|
مشاركة مخالفه
العضوية الذهبية
|
|||||||
| منتدى القصص والروايات يختص بجميع القصص والروايات الحقيقه والخياليه |
|
|
||
|
|
|||
 |
|
|
LinkBack | أدوات الموضوع |
02 Dec 2009, 07:05 PM
|
#15 (permalink) | ||||||||||
|
:: عضو جديد ::
|
رد: مستحيل أحبك..مستحيل أعيش بدونك>>>رواية جنآآآن ...
رووووووووعه ربي يعطيك الف الف عافية و ننتظر تكمليهاا احر من الجمر و ياليت ياليت تنزليها كلهااا يكووون احسن و انا من معجبين روااايتك يعطيك ربي الف عافية |
||||||||||
|
|
02 Dec 2009, 10:27 PM
|
#16 (permalink) | ||||||||||
|
:: عضو جديد ::
|
رد: مستحيل أحبك..مستحيل أعيش بدونك>>>رواية جنآآآن ...
يــ ع ــطيكـ ربي آآلف عآفيه... ع الروآيه الرووعه... 
|
||||||||||
|
|
|
02 Dec 2009, 10:34 PM
|
#17 (permalink) | ||||||||||||||
|
*حـَـَـَـَـَـزن !
|
رد: مستحيل أحبك..مستحيل أعيش بدونك>>>رواية جنآآآن ...
نورتو برب آنزلهــآ |
||||||||||||||
|
|
!|
02 Dec 2009, 10:41 PM
|
#18 (permalink) | ||||||||||||||
|
*حـَـَـَـَـَـزن !
|
رد: مستحيل أحبك..مستحيل أعيش بدونك>>>رواية جنآآآن ...
رجعـــت ليكم بعـِـِـِِـد وقتــ طووويل آتمنـىـآ تسآإمحوني ..~ تركي: ايه اصدقها مو زوجتي زياد: طيب مافكرت يااستاذ تركي هي ليه جايه هنا هذا مايثبت لك انه حنا متواعدين تركي كان بيروح لحد عنده بس ماقدر عهود كانت متمسكة فيه : اقولك اطلع احسن لك زياد: اعلى مافي خيلك اركبه وطلعه ماني طالع تركي يصارخ: بتطلع غصبن عنك يالواطي زياد: احترم نفسك وعلت اصواتهم واطلعو خوالها وابوها لما سمعوا صوت تركي بسام: تركي علامك تركي وصدره يعلى وينزل بسرعة من الغيض : الحقير الي واقف عندك ماسك عهود من ايدها ولو اني مالحقت الله العالم وش كان ناوي يسوس بسام وهو يصارخ: وبعدين معاك انت والنهاية زيادببرود: انا ماسويت شئ غلط تركي : احلف انت بس يعني الي سويته مو غلط وهذي بعد بنت عمك اجل الغرب شبتسوي لهم زياد: انت قلتها بنت عمي والمفروض تكون لي مو لك واسمعني زين طال الزمن ولا قصر عهود لي فاهم تركي وهو واصل حده : تبطي وسمع ابو عبدالله الاصوات وطلع مع اخوانه ولما شاف تركي وبسام مستلمين زياد لف عليه ابو زياد: ماهقيتها منك ياابو عبدالله ولدي يتهزاء وانت ساكت تدخل ابو عبدالله وهو بقمة العصبيه: عهيد ووجع ان شاءالله فشلتيني عند الرجال ياقليلة الحيا عهود من الخوف تمسكت بقوة بتركي وهي تصيح: ما..سويت... شئ... هو ابو عبدالله يقاطعها: اكلي تبن انت شلي مطلعك برة يالحيوانة ها ماتقولين ياتبن تكلمي يعل الله يأخذك ويريحني من بلاك وانا قلت تزوجت وارتحت منك وراح لعنده يبي يضربها تركي يبعد بو عبدالله: الين هنا وحدك ياعمي انا مااسمح لاحد يهينها او يذلها طول ماانا عايش ولا جاي تضربها قدامي وهذا بدال ماتقول هالكلام لولد اخوك الخسيس ابو عبدالله : اكيد هو مو غلطان هي الي ليه طالعة وهي عارفة ان البيت مليان رجال تركي باندفاع: هي دقت على تلاقيني هنا وولد اخوك ماصدق خبر لما شافها ولا راعى انها مرة متزوجة على الاقل راعى حرمة انها بنت عمه اما زياد الي حط رجوله وطلع لانه عارف انه غلطان ولما شافهم كلهم ضده تركي سحب عهود الي كانت ميته صياح لعند صدره وحضنها وهي ماصدقت خبر وتمسكت فيه باقوى ماعندها : ولو سمحت ياعمي عهود ماتقرب منها ولا تهينها صحيح هي بنتك بس طول ماهي على ذمتي ماحد له عليها واذا هي غلطت انا الي احاسبها تركي وهو يمسح على ظهرها وبصوت واطي: خلاص ياقلبي هدي عهود تشاهق :......... تركي بحنان:عهود قلبي تبين نمشي عهود هزت راسها بالايجاب تركي : طيب يلا روحي غسلي وجهك وجيبي اغراضك انتظرك هنا عهود تشاهق : مابي... اخاف..يجيني تركي وهو يرفع وجهها ويمسح دموعها وبكل حب وحنان : سمعيني كويس طول ماانا معاك ماتخافين من أي احدسامعه حتى لو كان ابوك عهودتعلقت زيادة بتركي وزاد صياحها:.................. تركي رفع وجهها مرة ثانيه : خلاص ياقلبي مايستاهل هالنذل وتنزل دموعك عشانه خلاص حبيبي عهود رجعت دفنت وجهها في حضن تركي : ماابي تركي وهو خايف ان يصير عليها شئ : بسام ولا عليك امر خل احد يجيب اغراضها بسام بضيق على حال عهود: ثواني سحب تركي عهود معه عند المغاسل ومسح وجهها بالماي وطول الوقت عهود متمسكة بايده وتتلفت خايفه ابوها يجي لها واخذها تركي وجلسها بالمجلس الثاني وطلب من البزران يجبون مويه:يلا سمي بالله وشربي عهودهزت راسها بلا تركي: شربي عشان يهدي من روعك عهود وجهها محمر من الصياح: ماابي تركي :عشان خاطري عهود: ............. تركي: افا مالي خاطر عندك شربت عهود شوي لانها ماحبت تكسر بخطره بعد الي سواه لها وبعدها بتردد: تركي تركي: عيونه عهود:امممم تركي وقرب وجه بوجهها: تكلمي لا تخافين عهود: والله العظيم انه يكذب والله انا مااحبه تركي وهو مبتسم على برائتها: عارف وعارف بعد عنه كل شئ وحتى لما تقدم لك وكان يبيك وانت رفضتيه خالك بسام قال لي كل شئ عنه وهو يمسح على شعرها وكانه يكلم بزر وحب يخفف عليها و :وبعدين صج انك عنيدة ولسانك طويل بس ماتكذبين صح عهودوهي تمسح وجهها: أي اندق الباب وراح تركي يشوف مين وشاف بسام جايب اغراض عهود مع وجبتها تركي: ايش ذا بسام: وجبتها.... كل هالسالفة صارت لانها تبغى كاتشب تركي باستغراب : كاتشب بسام: أي هي ماتحب تاكل السندويشات الا بكاتشب تركي : اها بس اجل اكلها انت احنا بنروح مطعم ونتعشى بسام: ماحد يقول لا لشئ مجانا تركي : هههههههه ودخل تركي وعطى عهود اغرضها ولبست عبايتها وراحت تسلم على اهلها وطلبت من تركي انه يروح معها ام عبدالله: تو الناس ياتركي تركي : والله ياعمة ورانا طريق وانت عارفة ام عبدالله: لاتاخذ في خاطرك على الي صار تركي : ولا يهمك ام عبدالله وهي حاضنة عهود: ماوصيك على بنتي تركي : لا توصين حريص عهود بعيوني ومسك تركي ايد عهود وطلعوا للسيارة ومشوا وطول الطريق عهود ساكته لحد ماشفته وقف عند المطعم : احنا مو رايحين الدمام تركي : الا بس نتعشى ونمشي عهود: بس انا كلت "شهيتها انسدت بعد الي صار" تركي : لا مااكلتي انا شفت وجبتك مااكلتيها عهود: بس مالي نفس تركي : الحين اذا طلبنا وشفت الاكل راح تنفتح شهيتك .. يلا نزلي عهود:طيب وانزلو المطعم وتركي ماتم حاجة ماطلبها بس عشان يعرف هي ايش تحب وايش ماتحبفي البدايه عهود ماكلت حاجه بس عشانها ميته جوع انفتحت شهيتها وكلو ا وسولفوا وضحكوا بعدها اطلعو وكملو طريقهم بعد ساعتين وصلو للشقة وقال لبواب العمارة يسبقهم ويرقي الاغراض وصعدوا الشقة تركي : تعبانة ولا افرجك على الشقة عهود ماحبت تكسر بخاطره بعد الي سواه: ممم ..يلا وفرحها على الشقة وعجبها ذوقه مرة وبعدها راحت خذتلها شور سريع وطاعت كانت لابسه بيجامة حرير بيضاء وكانت مخصرة على جسمها ومحليتها تركي تنح وهو يطالعها عهود انحرجت واستحت من نظراته: شفيك تطالعني كذ تركي ببتسامة: ولا شئ عهود: مو متروش تركي: الا ودخل بعدها تركي تروش وراحو بسابع نومة من التعب اليوم الثاني صحى تركي قبل عهود ودخل الحمام وبعدها طلع وجلس عند السرير يناظر في عهود "ملاك وربي ملاك ...الي يشوفك ياعهود وانت نايمة ما يصدق ان لك لسان يكنسني ويكنس ديرة ..اخ ياربي متى يحن قلبك علي"ومد ايده يمسح خدها ويتأمل وجهها كانت خدودها موردة وحاضنه مخدتها قرب تركي وباس جبينها وبعده طمع وقرب بيبوس فمها لانه جذبه عهود شهقت:انت شقعد تسوي تركي توهق : لا بس قلت اشوف صحتي ولا لا عهود تفرك عيونها: وتقدر تشوف وانت بعيد تركي يحمد ربه انها ماانتبهت للي كان بيسويه :مادماك صحيتي يلا قومي تجهزي عشان نطلع ونفطر ونتمشى عهود بعيون نعسانه: كم الساعه الحين تركي يناظر ساعته:تسع ونص عهود: تو الناس وانا فيني النوم تركي: قومي ياكسلانه عهود تلف البطانيه عليها وتغطي وجهها: تركي الله يخليك نص ساعة بس ماشبعت نوم تركي يشد البطانيه :يلا بلا كسل ورانا تمشيا اليوم ابي استغل الاسبوع ذا لان بعده بداوم عهود:طيب طيب روح انت واقوم تركي: مااضمنك قومي الحين قدمي عهود:مممم...ولفت على الجها الثانيه جات لتركي فكره عشان تقوم:اوكي حتى انا بنام معاك وانسدح على السرير ولف خصر عهود بيديه وقربها منه عهود فزت: شتسوي انت تركي يستعبط: بنام عهود: بتنام ليه تمسكي تركي: شفتك ضامه المخده قلت اسوي مثلك عهود: طيب ضميت المخده ليه تضمني انا تركي: جربت ماعجبتني قلت اجرب اضمك والصراحه عجبني الوضع "وياشر لها على السرير" يلا تعالي خليني انا شهويتيني على النوم عهود وطار النوم من عيونها : لا لا انا مافيني نوم قوم نطلع تركي ماسك نفسه لا يضحك : بس انا فيني النوم الحين عهود تنرفزت: الشغله عناد تركي: اما انت عجيبه يوم صار فيني لنوم قلت عناد عهود قامت وراحت الحمام: اوكي اذا فيك النوم نام وانا بروح الصاله دخلت عهود الحمام وقفلت الباب اكثر من مرة اما تركي انسدح على السرير وضحك على عهود وبعدها ما فطرو طلعو يقضون اغراض للشقة وراحو لاكثر من محل يقضون اغراض البيت وكانت عهود بالبداية خجلانة اشوي من انها تأخذ الي تبي واول محل ماخذت شئ وتركي يصر عليها انها تاخذ الي تبي لما راحو للمحل الثاني اخذت لها كذا نوع من الشيبسات ولما وصلوا لاسواق التميمي اخذو المثلجات من عنده لانه الاقرب للشقة وبعدها عهود خذت راحتها وشكلت لها من الكاكاوات والبيبسي تركي : الله كل ذا بتخذينه عهود: ليه فيها شئ تركي: لا بس مو كأنه كثير عهود: لا مو كثير واذا بخلان فعادي انا ادفع تركي: لا مو بخلان بس كل الي اقوله انه كثير عليك واخاف انك ماتلحقين تأكلينهم عهود وهي تمشي : لا تخاف انا غرامي الاشياء هاذي وباسبوع اقضي عليهم تركي: اوكي على راحتك بس لو تأخذين حاجات تفيدك احسن لك عهود: اففففف تركي: لا تتأففين وامشي قدمي وكملت عهود واخذت لها مؤنة تكفي لخمس اشخص وهي خذت السالفه عناد مع ان اكثر الي خذتهم مو لذيك الدرجه معاهم وبعدها راحواالشقة ودخل بواب العمارة الاغراض تركي : عهود رتبي الاغراض وانا بروح اريح شوي وبعد صلاة العشاء نطلع عهود تخصرت: لا والله انت ترتاح وانا الي اشتغل لحالي لاتظن انك انت بس الي تعبت تركي: بلل بلل كلتيني شوي شوي عهود: ماادري عنك تركي: المفروض المرة الي ترتب بيتها واغراضه عهود: هذاك اول الحين في شئ اسمه مساوة بين المرة و الرجال تركي : وكيف يعني عهود: نتساعد في امور البيت مو كل شئ على راسي وبعدين هذ مو عيب صح ولا لا تركي : صح.... يلا بروح اغير والحقك على المطبخ عهود: ولا تتأخر تركي : حاضر عمتي راح تركي وغير ملابسه ورجع لعهود وساعدها بترتيب الاغراض تركي : سمعي مو تجلسين تاكلين هالخرابيط واذا جا وقت الاكل قلت شبعانة ومالك نفس ماراح اشتريهم مرة ثانية عهود اكتفت انها تعطيه نظرة بعنى مو على كيفك بعد صلاة العشاء طلعوا وراحوا للمرينا مول وتمشوا فيه تركي : عهود ماودك تشترين لك فستان عهود باستغراب : ليه تركي : عشان زواج ولد اختي راشد عهود: ومتى زواجه تركي : بعد اسبوعين عهود: طيب ماحجزت مشغ ولا حاجة تركي : عادي روحي مع بنت اختي رغد عهود: يمكن مافي حجز لي وماترضى راعية المشغل تركي انت كلميها وشوفي ويلا نروح ندور لك على فستان وراحو ا ويدخلون محل ويطلعون منه وكل محل تدخله عهود تطلع منه مفورة تركي : يعني الحين ما في شئ دخل راسك عهود: والله اشياء كثيرة دخلت راسي بس حضرتك مدخل نفس ك في شئ مايخصك تركي : لا يامدام كل شئ يخصك يخصني وكل شئ يخصني يخصك عهود: اففففففف تركي : كما مرة قلت لك لا تتأففين عهود: مقهورة منك ياأخي لا هذا قصير هذا يكشف الظهر هذا عاري هذا شاله مو ساتر تركي وعاجبه تنرفز ها : هذا اختيراتك يعني لازم تخترينهم كذا وانا اكثر من مرة قلت لك ماحب تلبسين قدام الناس كذا عهود: بس الكل يلبس كذا تبيني احرم نفسي تركي : لا لبسي بس مو قدام الناس عهود: شايفني خبلة البس لنفسي بس تركي وهو ماسك الضحكة: ليه انت انانية لبسي لي مو لنفسك بس عهود فورت:تبطي |
||||||||||||||
|
|
|
02 Dec 2009, 10:42 PM
|
#19 (permalink) | ||||||||||||||
|
*حـَـَـَـَـَـزن !
|
رد: مستحيل أحبك..مستحيل أعيش بدونك>>>رواية جنآآآن ...
تركي :ههههههه كيفك بس ماراح تلبسين لبس يفصل جسمك مثل فستان الصباحية لغيري جاهزة تستعرضين لهم بس لي لا عهود: يعني شلون تبي الناس يتكلمون فيني ويقولون شوفوا اللحجية تركي:هههههههه ليه طيب عهود: انت ماشفت المحلات كل الملابس كذا والي مو كذا لحوج لا الوان ولا موديل وهذي اكثر الفساتين الي وريتني ايها تركي: طيب تعالي معاي وانا اختر لك فستان لونه وموديله حلو ومو خالع عهود: وللله بعد الي شفت من اختيرك ما اتوقع تركي : جربي واذا ماعجبك خذي الي تبينة اتفقنا عهود: اتفقنا بس مو بعدين تقول لي لا تركي : ماراح اقول شئ اذا ماكان خالع مرة ومسك تركي ايده وادخلو اكثر من محل ولفت نظره فستان لونه احمر خمري وكان موديله ناعم وفخم بنفس الوقت ويناسب عهود لانها توها عروس عهود عجبها هي بعد تركي: ها .. شرايك الحين هذا موديله حلو وساتر وغير كذا شاله ثقيل عهود بابتسامة خبيثة لان فتحة الصدر مرة واسعة : خلاص ابيه تركي: مو قلت لك هذا الفستان المظبوط الحين ارتاح عهود تضحك بداخلها : أي بس مو كل مرة بتظبط معاك وحاسب تركي على الفستان وطلعوا من المحل تركي : يلا مشينا عهود: وين مشينا باقي الجزمة والاكسسورات تركي : انت يالحريم اغراضكم ماتخلص عهود: والله مو مثلكم انتوا يالرجال ماحد بيتكلم فيكم حتى لو لبستوا ثوب قديم بس احنا لا وغير كذا احنا مانحس بانوثتنا الا اذا صار كل شئ بيرفكت تركي : طيب يلا سرينا وراحو وطقمت عهود لها جزمة وخذت لها طقم اكسسوار مناسب للفستان وبعدها راحو لمطعم وتعشوا فيه لما خلصوا راحو للواجه البحرية وجلسو ا فيها لحد ماقرب اذان الفجر وهم سوالف هو خذ على عهود وتعود على اسلوبها بالكلام وهي بعد بدت تتعود عليه وتجرأت معه بالسوالف والضحك وصلوا الشقة واذان الفجر راح تركي المسجد وصلى وعهود صلت ونامت لما رجع تركي توقعها جالسة بس شافها نايمة تركي قرب عندها ومسح على شعرها " هالبنت ملاك وهي نايمة ياناس بريئة مرة والله ياعهود لاعوضك عن كل دمعة نزلت منك وان ماخليتك تحبيني وتتعلقين فيني مثل ماحبتك وتعلقت فيك ماكون تركي " وغير ملابسه ولبس البيجامة ونام اليوم الثاني صحت عهود وهي تحس بالم فظيع ببطنها "يالله مو وقتك انت الحين " وقامت بشويش عشان مايحس تركي عليه وراحت المطبخ وخذت لها بنادول وعصيروجلست على الكرسي مع انها عارفة انه مايسوي لها شئ هي اذا جاتها تروح للمستشفى مع امها ويعطونها ابرة ومغذي"وينك يمة اخ يابطني ياربي شسوي الحين من اقوله الحين اففف ...ومستحيل اقول لتركي " وقامت وجلست بالصالة مرة تنسدح على الكنب ومرة تتمشى وبطنها كل ماله يزيد "ياربي شسوي بموت اه ه يايمه وينك " وجلست على الكنبة وتكورت فيها وقامت تصيح من الالم تقلبت ومو قادرة تثبت على جلسه من بطنها وهو كل ماله يزيد ونامت الساعة 2الظهر اخيرا و انتبه تركي وطالع الساعه"يوه فاتتني صلاة الظهر بالمسجد" والتفت على جهة عهود وما شافها "متى جلست هاذي وليه ماجلستني اصلي " راح الحمام وغسل وجهه وفرش اسنانه بعدها توضأ وطلع وصلى بعدها راح يدورها وشافها منسدحة على الكنب ومتكورة على نفسها استغرب تركي منها "شفيها نايمة هنا ....وليه متكورة على نفسها لايكون تعبانة" وراح لعندها : عهود عهود عهود: همممم تركي: ليه نايمة هنا عهود: اه ه تركي انفجع : عهود شبلاك فيك شئ تعبانة وحط ايده على جبينها وشاف حرارتها عادية عهود وهي خلاص مو قادرة وبدت تصيح: ............ تركي: عهود ليه تصيحين تكلمي في شئ يألمك عهود هزت راسها :............ تركي: طيب وش الي يألمك عهود زاد صياحها:............... تركي: عهود تكلمي عهود:.............. تركي : طيب اشر لي على المكان الي يألمك عهود حطت ايدها على بطنها :............ تركي: بطنك عهود هزت راسها:............ تركي: شفيه يالمك عهود هزت راسها بمعنى أي تركي : من ايش.... اكل امس اثر عليك عهود: لا "وبدت تصيح وتلوي على بطنها من الالم " تركي"ياربي شسوي" وتوه يستوعب الموضوع: عهود هي جاتك عهود: انحرجت:.............. ايش تتوقعون بيصير  وش بيكون موقف تركي لما يشوف الفستان وش مخبية الايام لعهود وتركي
|
||||||||||||||
|
|
|
02 Dec 2009, 10:43 PM
|
#20 (permalink) | ||||||||||||||
|
*حـَـَـَـَـَـزن !
|
رد: مستحيل أحبك..مستحيل أعيش بدونك>>>رواية جنآآآن ...
الجزء السابع تركي: عهود تكلمي لا تخجلين عهود:هزت راسها بمعنى أي تركي يبي يتأكد: الدورة عهودوهي موقادرة خلاص ومنحرجه من تركي : أي تركي: دقيقة وجاي قام بسرعة وجاب لها عصير وحبة بنادول وعطها عهود: لا ماابي تركي: خذيه بخف الالم معاه عهود: اخذت بس مافي فايدة تركي احتار : طيب انت من قبل اذا جاتك شتسوين عهود: اروح مع امي المستشفى ويعطوني ابرة ومغذي تركي على طول راح لبس واخذ مفاتيحه و جاب عباتها وساعدها تلبسها وراح ابها المستشفى ""في المستشفى" لما دخلو على الدكتورة قالت للممرضة تعطيها الابرة سوت عهود مناحة لانها تخاف من الابرة تركي استغرب منها بعدين تذكر انها تخاف من الابر: عهود تخافين من الابرة عهود وهي تصيح : ماابي خلاص خف الالم تركي وهو يهدي فيها : عهود قلبي مسك ليدي وسمي بالله وماراح تحسين فيها عشان ترتاحين عهود: ماابي ما عرف شيسوي معاها قام مسك ذرعها وثبتها وقال للممرضة تعطيها الابرة وعطتها الابرة بعد جهد جهيد لان عهود حاولت تفك ايد تركي منها بس ماقدرت وحقدت على الممرضه وهي مبسوطه على الوضه بعدين عطت الممرضه رفسة تبرد خاطرها وساعدها ان الممرضة واقفه قبالها وجات على بطنها الممرضة : أيييييي... اش هذا ليه سوي كدا تركي وهو ماسك ضحكته: معليش سوري هي تعبانة ومو عارفة وش سوت الممرضة تتميلح : اوكي كلاص بس اشان انته هصل كير عهود : بتضفين وجهك ولا تجيك واحدة ثانيه الممرضة: انتي واجد شيتانه ومافي كويس عهود: لاااا .. تعالي طقيني احسن تركي وهو مو قادر يمسك نفسه:هههههههههههههههههههه عهود: ايه اضحك مو فيك الابرة تركي: ههه بس قولي الصدق ماريحتك عهود لفت وجهها وطلعت من الغرفه ولاحقها تركي بسرعة وطلع تركي من المستشفى ولا قدرو يحطون المغذي لها وعطته الدكتورة فيتامينات بداله لانهم بالموت وعطوها الابرة ولما ركبو السيارة نامت عهود على طول من مفعول الابرة تركي طول الطريق وهو يطالع عهود نايمة" كل يوم اكتشف شئ جديد فيك ياعهود لهدرجة تخافين من الابرة انا لازم اعرف عنك كل شئ ياقلبي " وصلو للشقة وجلس عهود وساعدها لحد ماوصلو الشقة وفصخها العباية وسدحها على السرير ولحفها بالبطانية وطلع يجيب الادوية الي اكتبتهم الدكتورة ويجيب غدا لهم "في الشقة" على الساعة خمس انتبهت عهود وخف عنها الم بطنها دخلت الحمام وتروشت وجففت شعرها ولا طلعت من الغرفة لانها كانت مستحيةومنحرجة من تركي من بعد الموقف الي صار تركي دخلت اشوف صحت ولا الا واشوفها تنسدح وتتغطى باللحاف بسرعة ضحكت على برائتها وحياها وقربت عندها وجلست على طرف السرير :عهود ادري انك جالسة قومي يلا عهود مازالت مغطية راسها ولا رد تركي: يلا عهود هذا شئ طبيعي وماله داعي كل هالحيا .... يلا قومي نتغدا انا للحين مااكلت شئ انتظرك يلا انا شريت الغدا قومي تلقينه ثلج عهود من تحت اللحاف : انا مو جوعانة روح اكل انت تركي: مايصير انت هالوقت لازم تتغذين كويس.... ويلا عشان تاخذين الفيتامينات الي كتبتهم الدكتورة لك عهود: يااخي ماتفهم قلت لك مو جوعانة تركي: أي مو جوعانة من امس مااكلت شئ عهود:..................... وقام تركي وسحب اللحاف عنها وقومها من السرير وسحبها معه وراح للصالة وجلسها على طاولة الطعام وكان مجهزها وجلس عهود وجلس مقابلها واخذ صحنها وحط لها : يلا ابي اشوف الصحن فاضي عهود شهقت: كله تركي : كله عهود: لا باكل لحد ماشبع تركي ببتسامة: اوكي بس المهم تاكلين وخلصوا غداهم وقام تركي مع عهود وساعدها برفع الصحون وبعدها جلسوا يتفرجون على التلفزيون لحد مااذن المغرب وراحتركي المسجد وصلى ورجع الساعة وحدة بالليل وهو يتفرجون على التلفزيون وتركي طول الوقت يتثاوب تركي: يلا عهود عهود: وين تركي: ننام عهود: بس انا مافيني النوم تركي: وانا فيني يلا قومي عهود: ماحد ماسكك روح نام تركي: وانتي عهود: بجلس لحد مايجيني النوم واجي انام تركي: وانام لحالي عهود رفعت حاجبها : وليه دادا انت تبيني انومك ولا انام معاك تركي: لا مو دادا بس مااحب انام لحالي عهود: وانت من قبل مو تنام لحالك والا تركي: الا انام بس الحين تعودت انام معاك عهود: لاتاخذ على الوضع كثير لان بعد سنة بتنام لحالك الا اذا تزوجت تركي "لا حول الله وهاذي ماتنسى": اذا خلصت السنه يحلها الف حلاال .. ويلا قومي واصل حدي ابي انام عهود: وانا ماابي انام لا ترفزني وبعدين اذا طولت لساني تقولي ليه تطولينه تركي: الساعة وحده متى بتامين عهود: وانت شعليك متى انام خلاص روح تركي: جلسي سهري طول الليل ونامي النهار وفوتي عليك الصلاة عهود انحرجت وحمر وجهها :................ تركي استوعب الي قاله وحب يغير الموضوع: طيب اذا جلست الحين وش بتسوين مو تقولين ان الدش بايخ عهود: عادي بعد اشوي بيجي نور تركي: لا تشوفين المسلسل ذا عهود تخصرت: وليه ان شاءالله تركي: بس اغار عهود"الحمدالله والشكر": وليه تغار تركي: مااحب زوجتي تطالع غيري وبعدين هذا مهند ماينزل من هنا"وهو يأشر على بلعومه" عهود: مشكلتك تركي: المهم مافيتشوفينه عهود: مو على كيفيك وروح نام وفكني تركي: خير ان شاءالله شقلتي عهود: الي سمعته تركي اخذ الجهاز وحط على mbc4 وقفلها: يلا وريني شلون بتشوفينه عهود: تركي بلا حركات بزران وافتحها تركي: نو نو عهود: عادي ماهميتني اقدر اشوفه اذا رحت بيت اهلي تركي: أي بس بتفوتك حلقات الاسبوع كله عهود: لا يعيدون الحلقات كلها يوم الخميس تركي: زين انك قلتي لي عشان اقول لابوك يقفلها عهود: ياسلام ليه النذالة تركي: قلت لك مااحب زوجتي تناظر غيري عهود خذت لها المخدة وحضنتها:افففففففف تركي: افين بعد لفت عهود عليه: مو قلت بتنام روح والقناة وقفلتها شتبي بعد تركي: بجلس معاك طار النوم عهود: افففف وخذت الجهاز وقلبت بالقنوات وماعجبها شئ :اممم ..تركي تركي عين مغمضه وعين مفتحه:هلا عهود: عندك جهاز DVD تركي: أي عندي ليه عهود: ابي اشوف مسلسلاتي وافلامي تركي: من وينلك هالمسلسلات عهود: مسجلتهم تركي: لحظه وقام وجاب الجهاز وركبه في التلفزيون: وهذا DVD عهود: حلو لحظه اجيب السيديهات....... وراحت الغرفة وجابت شنطة السديهات وخذت لها مخدات وحطتهم على الارض وجلست تركي: ليه جلستي على الارض عهود: عشان اعرف اركز وانا اشوف |
||||||||||||||
|
|
|
02 Dec 2009, 10:46 PM
|
#21 (permalink) | ||||||||||||||
|
*حـَـَـَـَـَـزن !
|
رد: مستحيل أحبك..مستحيل أعيش بدونك>>>رواية جنآآآن ...
قام تركي وجلس جنبها واخذ منها الشنطة يتفرج على السديهات : ايش ذا عهود: هذا مسلسلي المفضل تركي : الي هو عهود: BUFFY THE VAMPER SLYER تركي: وش نوعه عهود: رعب واكشن تركي: حلو احب النوع هذا والبطل ممثل معروف عهود: قصدك البطله أي معروفه اسمها سارة غلير تركي: امم طيب عطيني الموجز حقه عهود: هي بنت تحارب مصاصين الدماء وتحمي العالم وهذ اول مسلسل تابعته وكنت مع ربعي نتحمس واحنا نتابعه واذا رحنا المدرسه نجلس ونتكلم عن الاحداث وخاصة عن حبيبها "وهي تحط ايدها على قلبها"اخخخخخ ياقلبي عليه يجنن اخذ تركي مخده وخبطها فيها على وجهها عهود: وجع ليه تخبطني تركي: الحين يلي ماتستحين جالس جنبك وتتغزلين في غيري وهذا قدمي من وراي شلون عهود وهي تمسح على وجهها: لا تخاف من وراك ومن قدامك هذا كلامي وبعدين انت لما تشوفه بتعذرني تركي:نعم خير ان شاءلله وش الي اعذرك وبعدين هذا مو متزوجه كيفك بس الحين انت متزوجه وماتناظرين غيري عهود رفعت حاجبها: وليه يعني انت ماتشوف تركي يستهبل: لا مااشوف رجال عهود: اقصد بنات.......... البنات الي مالين فيديوهات الكليب تركي يتصنع البراءة : انا ..انا مااحب اشوفهم عهود: أي كثر منها تركي: تغارين عهود: لا اغار ولاشئ بس مثل ماانت تشوف انا اشوف تركي جلس يقلب بالسديهان:وهذا وشو عهود: مسلسل CHARMED تركي: وفيه واحد"يقلد عهود"يجنن بعد عهود: تطمن مافيه تركي: وش قصته عهود: مايعجبك تركي: طيب غيرهم وش تابعين عهود:مممم كثير الي اتابعهم الحين GHOST WISPER وalis ووغيرهم كثير تركي: ماتبعتي lost عهود: لا مو كثير تركي: انا عجبني المسلسل هذا كثير هو مع prison breke عهود: لا انا احب المسلسلات الرعب اكثر من الاكشن وخاصة اذا صارت البطوله للبنات تركي: اها ...طيب حطي ALISخلينا نتفرج عليه عهود: اوكي وحطت السيدي بالجهاز وراحت جابت الشيبسات والكاكاوات والبيبسي لزوم السهرة وجلسوا يتفرجون لحد مااذن الفجر وقام تركي وراح المسجد ولما رجع طفى كل شئ وقومها تنام عهود"اليوم موعد عرس ولد اخته والكل راح المشغل وانا من حسن حظي حصلت حجز مع رغد وخلصت بس لسه مالبست لاني مااحب البس بالمشاغل ودقيت على تركي وكانت اول مرة ادق عليه واكلمه كويس معاه من تزوجنا رد: هلا وغلا عهود" ياملقك ": اهلين ممكن تمر على انا خلصت تركي : اكيد وانا كم عهود عندي بس موبدري تروحين للصالة عهود: لا بروح البيت لاني للحين مالبست تركي : ليه عهود: لاني مااحب البس بالمشاغل تركي: اهم..خلاص دقايق وانا جاي سلام عهود: سلام تركي كان مبسوط لانه راح يشوفها قبل لاتروح ويشوف الفستان عليها ودقايق الا هو داق عليها ونزلت مع رغد ووصلو البيت وعلى طول راحت للغرفة تلبس الفستان بعدها خلصت ولبست الاكسسوار والجزمة كان شكلها خيال وشعرها المسيح ومرول على خفيف اما الميك اب خلته ناعم مرة وكانت تبي تلبس عبايتها بسرعه عشان مايشوف تركي الفستان عليها بس دخل تركي فجأة ولما شافها بلم وعهود قلب وجهها مهما كان تستحي تجلس قدامه كذا وانتبهت لتركي لما عقد حجاته وهو يقزها من تحت لفوق وثبت نظره لفتحة الصدر: عهود مو هذا الفستان الي شرينا عهودوهي كلش منحرجه : أي تركي: متأكده عهود وهي تروح تاخذ عبايتها: ايه متأكده ليه تركي راح لعندها وسحب العبايه منها: بس يوم شريناه ماكنت الفتحة كذا ولا عهود مستحيه من قرب تركي : الا لما شريناه كذا تركي ومازال يقز: طيب بتروحين به عهود: اجل ليه شريته عشان اتمنظر فيه تركي منهبل عليها وهي مستحيه وقرب اكثر منها:بس عهود تبعد عنه لحد مالصقت بالجدار :بس ايش تركي يحوطها ويحط ايده على الجدار : اممم... ماعندك غيره عهود تخصرت : نعععععععم تركي بصوت واطي : نعم الله عليك....."وركز نظره للفتحه" انت شوفي شلون الفتحة واسعة كيف عهود قدرت تفك نفسها منه وخذت الشال وغطت نفسها : والله هذا اختيرك وتحمل تركي : امم اختياري وليه مانبهتيني عن الفتحه عهود: ظنيتك تدري تركي مضيق عيونه: اها ادري عهود بارتباك: انت ليه تطالعني كذا تركي يقرب منها: والله زوجتي وكيفي اطالعك مثل ماابي عهود: طيب عطني العبايه تركي يعض شفته: ليه عهود: بلبسها ولا تبيني اطلع كذا تركي: تبيني اذبحك تطلعين كذا عهود ارتبكت اكثر من نظراته : اجل عطني ايها تركي: طيب بس عطيني الشال شوي عهود اشوي وتصيح: ليه تركي: انتبه لخوفها وارتبكها راح لعندها وسحب الشال و حطه بطريقه تخفي وسع الفتحه:كذا اوكي عهود طاح قلبها ببطنها من الخوف: ............. تركي مسك ايدها وسحبها لعند التسريحه: شوفيه مظبوط ولا اسمع انك منزلته عهود وجسمها صاير حار من قرب تركي وهي معطته ظهرها ولاصقه بظهره: طيب وخر تركي ببتسمه خبيثه: واذا ماوخرت عهود: خير خير ان شاءالله تركي:ههههه ولا شئ عهود بعدت عنه: عطني العبايه تركي وهو يعطيها: حطي ببالك انه اخر مرة تلبسين كذا عهود: نعم تركي : الي سمعتي ولبس مثل هذا ماتلبسينه لغيري عهود: والله مالبسته لك هذا الي ناقص تركي متكتف: وليه هذا الي ناقص يعني للحريم الغرب اوكي وزوجك لا عهود تغير الموضوع : يلا مشينا تاخرنا على رغد تركي : ضيعي الموضوع بس ماانتهينا عهود: تركي لا تطول السالفه وهي قصيره تركي: يعني عاجبك الناس تشوفك كذا ويجلسون يطالعون مفاتنك عهود: عادي حريم قالو لك رجال هم يقزون مثلكم تركي: لوانهم رجال ماخليتك تروحين لاي عرس عهود: يلا يلا تأخرنا تركي : يلا لا اتهور الحين عهود سمعته قول كذا وطلعت طيران من الغرفه وتركي ضحك عليها وطلعو وراحوا الصالة وانبسطوا وعهود ماقصرت بالرقص ومبسوطة على الاخر مع رغد وانتهى العرس بسلام وراحت عهود مع تركي لبيت اهله وتروشت ولبست بيجامتها ونامو لانهم تعبوا تركي بتوجيبه للرجال وعهود بالرقص اليوم الثاني الكل مجتمعين وهم مجلسين مع اهل تركي يتقهوون ام عبدالرحمن : ههههههه أي والله مو مصدقين ام خلود: أي والله اقولهم متزوجة مو مصدقين تركي بلقافة: منهي الي متزوجه سعاد مرت اخوه الكبير : الله يسلمك خطاب جايين وبالهبل بعد تركي : حلو لمين للرغد ولا بدور وسمر ليلى "ام عادل"اخت تركي : لا مو للرغد ولابدور وسمر تركي : لمين اجل ام خلود وهي تضحك : لمرتك تركي وهو يشرق بالشاهي : نععععععععم ام خلود بضحكة : هههههه الي سمعته ام عبد الرحمن : اذبحوني لاحقيني وين ماروح نبي بنتكم نبيها نقول لهم متزوجة مو مصدقين ليلى : أي والله لحد اليوم يدقون نبي بنتكم الي لابسه احمر تركي معصب: وليه ماقلتوا لهم يتوكلون يعني هم ماحضروا عرسي عشان يعرفون انها زوجتي ام عبد الرحمن : هذولي من اهل مرت ولد اختك ماحضرو زواجك عهود مع رغد ميتين ضحك على تركي ولف عليهم: وانت مع وجهك مبسوطة عهود ماسكة ضحكتها : وانا ايش دخلني هم الي جاو تركي : وليه ماقلتي لهم انك متزوجة عهود: هم ماسألوني الي سالوني عنه اسمي وقلت لهم تركي: ويعني مالقوا الا مرتي قلوا البنات الي بالعرس سعاد: مرتك خبلت فيهم عليها رقص يطير العقل ولا حلاها طالعة بمكياجها كانها بنوتة تركي فور:خلاص مافي روحه للعروس عهود: ليه تركي : بتروحين تروحين متغتره رغد حبت تخبل فيه: وحتى يوم تغترت ياخالي اخوان العروس تخبلوا عليها كل واحد ياشر عليها ويكلم امه تركي: نعم انت " ياشر على عهود"عروس شيليها من بالك ولو رحتي بغطا زي امي عهود: كله منك يالسوسه رغد:ههههه والله ان خالي استخف شسويتي فيه عهيد ماكان كذا قبل عهود: انطمي بس سعاد:طيب ياتركي شنسوي بالخطاب اذا دقوا تركي : يمة اذا دقوا سكري السماعة بوجيهم مرتي وحاطين عينهم عليها وجع مابعد اتهنى فيها وحطين عيونهم عليها بخريها يمه عن العين بكرة تتحرول علي ام عبدالرحمن : وانت من صدقك اكيد احنا نصرفهم والا برايك نعطيهم اياها تركي: هئ هئ يحلمممممممممون الكل : ههههههههههههههههههههههههههههه رغد: من قدك ياعهود طيرت عقله وهذا هو الثقيل تركي لاف على عهود: وانت مرة ثانية مافي روحة للعروس مافي يعني مافي عهود عصبت: وليه مو ذنبي انهم يبوني تركي: احل ان كنت بتروحي ماتروحين الا عروس الاهل بس غيره مافي ورقص مافي سامعه " قالها وهو معصب" وقام وطلع ليلى: هههههههه تركيه عنك عهود: والله هو عنيد ليلى : تقدرين تقنعينه بطريقتك الخاصه" وتغمز لها " عهود انحرجت: وهذا الي بيصير سعاد: من صدقه تركي يعصب على كذا والله ماتوقعت ام خلود: والله منتي سهلة ياعهود علقتي الرجال عهود" وهذا الي مابيه مابيه يتعلق فيني لان اذا جا وقت الطلاق بيعند" واكتفت ببتسامة الكل ظن انه حيا ولانهم بيمشون اليوم دقت على تركي عشان يوديها بيت اهلها بس مارد عليها وبعد مادقت اربع مرت رد عليها: خير في خطاب بعد عهود: والله عقليتك عقلية مراهق وهذا انت وشوي تسك الخمسين تركي: من قال ياقلبي انا توني شباب عهود: ايه صدق المهم متى توديني بيت اهلي تركي: شقصدك قصدك اني شايب عهود: انت الي قلت مو انا وبعدين لاتضيع الموضوع تركي: يعني انا شايب ها عهود: بتمرني ولا ادق على اخوي تركي: لا تدقين ولا اني مارك مافي روحه عهود بضيق: ليه تركي: خلك تتأدبين قبل عهود: وانا ايش سويت تركي: لا سلامتك ماسويتي شئ ..ياماما عدلي اسلوبك وهالمره حرمتك اليوم مره ثانيه قلي ادبك شهر كامل ماتشوفينهم عهود: ماتقدر تركي: جربي وشوفي اقدر ولا لا عهود: طيب ابي اروح بيت اهلي حتى لو دقيقه تركي: قلت لا وجهزي بعد نص ساعة بنمشي الدمام عهود: افففففف تركي: لبكره يلا باي وسكر السماعةوبعد صلاة العشاء رجعوا الدمام |
||||||||||||||
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
الساعة الآن 04:58 PM.
 |
 |
 |
