ثقيله هالدقايق

ثقيله هالدقايق

اذا كان الوجع

بـ عمر ..انسان

ثقيله يا ثواني

هي بداية... (تمر ازمان )


بغيضه يالدموع اللي على خدين طفله

بعمر الورد/ وكبر الجرح حزينه يا الاماني ..ليه ّ

انا مدري وش اللي ماخذينه بس!!

انا مدري من المسؤل !

عن الحصه / عن التلميذ / وآخر درس
انا مدري ..

انا ليه اكتب حروف اللحين !!

احاول...اشرح ..الحزن الدفين

بثرثرات ...حروف ...وغصت عين

حكاية من حرم طفله..

تحس بضحكة الاطفال..

صباح العيد

حكاية (آآآآآه )..في حلق حيرتها

ورجفة أيد ..

وتتنهد في جدار القبر...ساعة

كنها ظلم الليالي ..بوحشة بيد

ومع أول دقايق سالفتنا ..

على شارع ...حمل ثوب الحداد

وحشرجات ..القبر ..

بسرعه مر ...

مع الوعد الذي ...ما قدر يوفيه

مع اسماع طفله ...ما تعرف الحزن !



لا..


لا..


لا..


كانت ما تعرف الحزن ..

تغرد له بصوتها النعسان ..

وتعزف أعذب الالحان ..

(يبه ..عمري ..حبيبي

لا تْأخر ...

ابي ترجع قبل ما انام ..

ابي اتلحف حنانك...في

تصبحين بخير .. مع بوسه على خدي ..

يبه وانام ..

وقبل ما انسى ..يايبه اسمع ..

ابي دفتر رسم أحمر

وابي اقلام للتلوين ..

وابي فستان ...مثل لون

الشموس اصفر ..

وابيك انته ..تلبسني ..

تحمل يا يبه ارجوك ..

تمهل يا يبه ارجوك ..

شوي /// شوي )

وكان آخر ..وصاياها ..

وعلى غفله ...تهور ..

مع سرعة ...بدون حساب ..

ينادي هالرصيف الموت ..

ينادي له ..تعال ...تعال ...تعال... تعال..

وانتهت قصة...عمر ..انسان
وابتدت ...حيرة.....يتيمه ..

ما اكملت عامها التاسع ..

يضيق بدمعها ..

صمت الشبابيك.. الكئيبه ..

على الجدران ..

تحاول ...تنحر اجابة هالسؤال اللي

تفجر ...في قصيدة حزن ...

بلا..عنوان ..

(يبه وينك!

تعبت انتطر ..

تعبت أتخيل ايدينك ..

يبه وينك ...

[U]تعبت [/u]أسأل زوايا البيت ..

تعبت أسأل ثوبك المكوي

تعبت آشم عطرك

واحضن غيابك ..

تعبت اكذب على دمعي

وارتب عيني وثيابك ...

يبه وينك!

الف الدار ..واتذكر ....

هنا ..يمشي ...

هنا يجلس ..

هنا يضحك ..

هنا كنا على شانه

نجي نسهر ..

يبه وينك ..

ويقطع حزن هالافكار ..

باب الدار ...

واصيح بصوت ...واتحشرج ..

منو بالباب !..منو اللي دق هذا الباب!

انا مابي لعب ..واقلام ...

انا مابي هدايا

انا ما ابي اشوف اصحاب ..

يبه وينك !

يبه .. يرضيك حالي اللحين !

كرهت المدرسه ...والدرس ..

ولا حد فيني حس ...

تذكرني بغيابك... شهاداتي ..

معلمتي ...

وباب المدرسه ...

والدرس

اصحابي وعلاماتي ..

يبه وينك !

كلامي يا يبه حارق

كلامي مر ...

وانا اقرا في الدفاتر هنا ..

(يوقع ولي الامر)
من اللي فرحتي تتكحل بعينه !

وضحكاته

يبه ..وينك ..!
نجحت ..وتختنق فرحه
وسط صدري ..

تجيني الناس وتبارك ....

وهذا الحزن بي *** ..

ولا تدري ...

باني يتيمه ..

والسبب حادث.. )

وبدت تذرف دموع

تشق صدر الليل

سواده ...حيل يشبه له شعرها ..

يشبه له غياب...الاب..

غايبه ..

ما وراه غياب..

ولا يمكن يعوضه ..

القريب / الاخ / والاصحاب
ثقيله هالدقايق

اذا

كان الوجع..بـ عمر ..أانسان


بغيضه يالدموع اللي على خدين طفله

بعمر الورد حزينه يا الاماني ..ليه ّ

حزينه يا الاماني ..ليه ّ































مسرحيه كانت من تاليفي وفكري تحكي معانات طفله يتيمه فقدت والدها في سن الطفوله

والله قططعت قلبي اخوي -حنون في زمن قاسي-

لكن بصراحة ..تأليف ميز وإبداع مابعده إبداع ...وأنصحك لاتتوقف عن هذه الهواية نصيحة محب لحبيبه في الله ....

وأنا أحب أضيف بيتين شعر سمعتهم في نشيدة وخذوا عقلي ..:



** يبه ياأقرب أقرابي ... يا أغلى ناسي وأحبابي..

** ياكل الناس في عيوني ... دخيلك قول لي لبيييه..
~~~~~~~~~~~~~~~~~~~~~

وعجبني بصراحة هالمقطع اللي أنت كتبته :

اقتباس: يبه وينك ! كلامي يا يبه حارق كلامي مر ... وانا اقرا في الدفاتر هنا .. (يوقع ولي الامر)

يسلمووووووووووووووووووووووووووووو
احساس اليتيم الوحده الحزينه والله مهما كان حولك يحبوك ويرعوك يضل في القلب غصه والم قوي جدا
الاحساس بليتم احساس يقتل كل ابتسامه ممكن تدخل الحمدلله الله يرحم موتانا وموتا المسلمين امينننننننننننننننن
مشكوررررررررررر و
ويسلمووووووووووووووووووووووووو

.
.

حنون في زمن قاسي

لهذه المسرحية قصة بطلها القدر بالدرجة الاولى

فهو الفائز دائما ... ولا أحد يجاري أقدار المولى

لتبقى تلك الطفلة البائسة أمام عاصفة مظلمة

وبعد تلك العاصفة أمواج حارقة من الوحدة و الحرمان

حيرة دمعة وقفت بريئة على مشارف مقلتها مترددة ما بين احتضان وهروب

وذكريات قاتلة تزورها كل صباح وكل مساء

وترسم ملامحها على الجدران والالعاب حتى على ملابسها وكراستها

لتكتحل أعياد تلك الطفلة بلون السواد المتقع ... فمن كان يطفئ الشموع ... قد رحل

وتزداد مرارة تلك المسرحية حين تحتاج تلك الطفلة الى مصدر قوتها وقدوتها

وتصبح بمفردها ... تواجه مصيرها ...

.
.


حنون في زمن قاسي

هذه المرة لن أقتبس من رائعتك

هذه المرة لم أجد أي ثغرة أستطيع ملأها بحروفي الخاصة

.
.


حنون في زمن قاسي

هكذا أنت كربان سفينة لكن هذه المرة تبحر في بحر الخيال

حيث لا حدود ولا قيود

وتتقن اختيار وجهتك ... لان شمال بوصلتك سهم يلامس قلوبنا وأفئدتنا

تختار كلماتك بكل رقة وكل انسياب

لتتركنا تائهين في جمال ما تحملنا اليه

.
.

حنون في زمن قاسي

تجيد فن حياكة العاطفة ...

رائع ما نسجته اناملك

تقبل كامل التحية