أحلى ماخلق ربي (قصة سعودية) تستحق القراءة ................................

رووعــهـ خيتــوو
بليــز كمليهــاا

تسلمين اختي

ارجو انج تكملين القصة

ربي يعافيج

قصه روووعه

ننتظر الجزء الثاني

........ تابع...........

نواف:مساء الخير يا عمتي
العمة نورة:يا هلا والله بولدي شلونكواشلون أبوك وأمك
نواف:بخير يسلمون عليك
العمة نورة:أخيراً زرتنا
نواف:والله تعرفين مشاغل
العمة نورة:نواف هذولي بنات عمك سلم عليهم
نواف من بعيد:شخباركم بنات..
البنات:الحمد لله..
فيصل:ياالله بسرعة خلينا نروح للمجلس.
نواف:عن إذنكم..
العمة نورة:حتى أنا بروح أبي أشوف الأخبار
نوف:واااااي يهبل وش ذا إنسان ولا ملاك يا بختك يا ريما
الهنوف: روعة يجنن بمعنى الكلمة
ريما كانت ساكتة وتفكر يا ترى يدري فيني يعرفني آآه لو تدري يا نواف إش قد احبك وأموت فيك
الهنوف:من شاف أحبابه نسي أصحابه
ريما:هاه لا بس ما سمعتكم
نوف:أكيد من شفتي ذا الزيين وعقلك راح معاه
ريما:أقول انتي وياها اسكتوا أنا بروح للبيت
الهنوف:وين تو الناس.
(ريما كانت متضايقة لان نواف ما عبرهم ولا بكلمة ولا أعطاهم وجهه)
ريما:لا بس حاسة نفسي تعبانه
نوف:خلاص هنو لا تضغطين عليها خليها براحتها >> نوف حست فيها
راحت ريما بعد نص ساعة جاها السواق والشغالة..
وبعدها كانت الهنوف بتروح للمطبخ بتشرب مويه إلا مروا من عندها فيصل ونواف وما كان معاه جلال ولا أي شيء تتغطى فيه..نواف أعجبته من أول نظرة وطارت عيونه فيها
فيصل:هنوف يالله روحي الولد بيطلع
..الهنوف على طول طلعت وهي تجري من الخوف..
………………..
في بيت ريما دخلت عليهم وكانت أمها جالسة بالصالة وأبوها يتابع التلفزيون
ريما:السلام عليكم
الكل:وعليكم السلام
أبو ريما:يا هلا وغلا توه ينور البيت يالغلا
ريما:تسلم يالله أنا بروح فوق لغرفتي أبي أنام تصبحون على خير
أم ريما:وش فيك حبيبتي ما هي عادتك بالعادة تجين من هنوف والابتسامة شاقة وجهك
ريما :لابس تعرفين هنوف ونوف راسي صدع منهم ومن صراخهم وسوا ليفهم
أبو ريما:خليها يا سلمى يمكن البنت دايخه
ريما:يالله تصبحون على خير
الكل:وإنتي من أهله
ريما من دخلت غرفتها وطاحت على السرير وجلست تصيح بصوت وااااطي علشان ما يحسون فيها أهلها
(يا ربي أنا ليش حظي كذا من وعيت على الدنيا وأنا احبك يا نواف وأنت مو حاس فيني ولا معبرني..ليش كذا..آهـ يا نواف لو تدري بحبي لك من 7 سنين وأنا احبك حرام اللي جالس تسويه فيني(

جاء الصبح ويرن جوال ريما
ريما:الوو
نوف:هلا وغلا بريما
ريما:هههه وش عندك على الصبح
نوف:عندي خبر أنما إيه عجيييب!!
ريما:الله يستر منك ومن أخبارك ههههههه
نوف:أفااااااا طيب يالله مع السلامة
ريما:استني امزح عليك والله
نوف:هههه عارفة بس حبيت أتغلى غليك
ريما:هاه وش الخبر
نوف:اليوم اتصل علينا عمي سعود يقول بنطلع للبر بكرى كلنا من الصبح الى الليل وبنشوي ونستانس هاه وش رايك
ريما:الكل بيطلع >> تقصد العيال
نوف:كلهم
ريما خلاص إن شاء الله بنطلع وياكم أكيد قالوا لأمي وأبوي
نوف:خلاص اجل أشوفك بكرى بآي
ريما:بآي

يطق باب غرفة ريما طق طق!
ريما:مييييين
ندى(خالتها):أنا ريوم قومي وجع افتحي الباب
ريما:خالتي هنا يا مرحبا
ندى:حرام عليك لي ساعة وأنا اصعد درجكم ورآهـ المصعد خربان
ريما:مدري أمس تعطل على حظك يا العجوز هههههه
ندى:هاه بتفتحين الباب ولا شلون
ريما وتفتح الباب..وكانت تسمع أغنية محمد عبده (سير علينا ياهواك سير علينا مشتاق لعيونك تعال سير علينا..سير وش اللي جرى قي غيبتك حالي برى..النوم من عيني سرى وأنا انتظر منك الوصال..سير علينا يهواك سير علينا).
ندى:أكيد لي الأغنية لأني من زمان ما جيتكم >> واااااااااثقة
ريما:يا عيني ع الواثقين
ندى:ريوم وش رايك نطلع نتغدا في الفيصلية أنا وانتي !!
ريما:يا ليت ضايق صدري
ندى:يا حياتي وش فيك!
ريما:ابد سلامتك وتبستم ابتسامة صفرا
ندى:يالله لبسي عبايتك خلينا نروح استأذنت لك من أمك
ريما:دقايق وانزل لك.

وصــــــــلوا الفيصلية..
وراحوا يتمشون فيها وبعدين صعدوا يتغدون المفاجأة كان هناك فيصل ونواف ومحمد اخو نواف جالسين يتقهوون..

ريما:وتضرب كتف خالتها
ندى:اااااااااااااااي وجع وش فيك
ريما:خالتي شوفي هذولي الشباب
ندى:عيييب عليك وش فيك تطالعينهم >> بتقهرها
ريما:لا بس عيال عمي سعود
ندى:وينهم أبي أشوفهم تكفين وين نواف اللي يقولون تحفة
ريما:انت وش عرفك في نواف
ندى:بس اذكر وهو صغير حليووووو
ريما:شوفي ذاك اللي لابس بنطلون جينز وتيشرت اسود
ندى:رووووووعة ماشاء الله أنا أقول وش فيهم البنات يحمون حولهم
ريما:ايو الله شوفي كيف يطالعون للعيال بنات آخر زمن
ندى:تكفين ريوم روحي سلمي عليهم
ريما:لا عيوني والله لو فيها عمري ما أروح..يالله قومي خلينا نتغدى تراني جوعانة
تغدوا وكانت ريما واقفة تطالع نواف وتحسر على حظها

جــــــــاء من بكرى الكل الصباح كان مستعد للطلعة البر

أم ريما:ريماااا يالله فشلة تأخرنا عليهم قومي بسرعة
ريما:حرام عليكم احد يطلع للثمامة الصبح حر!!
أم ريما:يالله شوفي هنوف من الصبح وهي تتصل علينا تقول قوموها بسرعة
ريما:اوووووووووف طيب بقوم وشكوي لله
(ريما جلست نص ساعة على بال ماغسلت وصلت وجهزت عباتها وشنطتها..كانت لابسةبنطلون جينز وبلوزة فوشي حرير روعة ولابسة كاب فوشي مكتوب عليه R وبوت رياضة..وشطتها كانت صغرية فوشي لونها ..وكحلت عيونها طالعة كيوووت‍‍..
ركبوا السيارة مع أبوها

(وصلوا كان مخيم كبيـــــــــر ومكيف قسم للحريم وقسم للرجال
الكل كان موجود ماعدا نواف وفيصل كانوا ناييمين ولا فكروا إنهم يجون

البنات كانوا مبسوطات بشكل راحت ريما بتجيب شنطتها من السيارة إلا محمد اخو نواف طلع عليها وهي ستحت وعلى طول تغطت بسرعة..محمد طار عقلة فيها أعجبته بشكل..ريما كان الوضع عادي لان ملك قلبها للنواف فقط..
خذت شنطتها ورجعت للبنات

المهم جات السعة خمس ونص والعم طلال وين نواف وفيصل وراهم ماجو
أبو نواف:اللحين بتصل عليه هذا
أبو نواف:الو وينك فيهتعال سلم على عمامك يسألون عنك.
نواف:يبه بس أنا مع فيصل عندنا لعب كوره مع العيال
أبو نواف:ترى إن ما جيت بعد شوي مو بزين لك..تفهم
نواف:تآمر أمر يبه راح نجيكم..
فيصل:ياخي أنت ليش تقولهم إني معاك
نواف:يا سلام علشان إذا رحنا لهم تصير براسي الدعوى وأنا الي يطيحون فين تفشييييل

جت الساعة 6 المغرب ويجون فيصل ونواف
فيصل نواف: السلام عليكم
الرجال:وعليكم السلام..سلموا عليهم ..
عبد الرحمن اخو نوف جاء عند الحريم:نوووف نوووف تعالي
نوف:وش تبي
عبد الرحمن:أبوي يقول جيبوا القهوة ترى فيصل نواف جوا
نوف:طيب‍ بنرسلها لكم
نوووف على طول عند ريما: ريما نواف جاء فرصتك روحي صارحيه انك تحبينه تكفين أبي استمتع بقصة الحب والغرام حقتك
ريما:يا شيخه فيكنا شكلك متأثرة بالأفلام الهندية
الهنووف:هههههههههههههه >> على أي شيء تضحك
الحريم كانوا فالينها وناسه سواليف وضحك وأصواتهم عالية مررررة..

أبو نواف:أقول نواف قم جب لنا عشاء رح لم أمك قلها وش يبون
نواف:طيب من عيوني يا الغالي
أبو ريما:هههههههه حرام عليك يا سعود شف ولدك كيف يحترمك وأنت من شوي تقول ما يطيعك ولاشيء
نواف:افاااااا يا أبو نواف ما هقيتها منك
طلال:لا نواف ما عليك منهم شخبار دراستك
نواف: الحمد لله
محمد وعبد الرحمن: أقول إحنا راح نجيب العشاء
طلال:لا عبد الرحمن مين بيوديك
عبد الرحمن:محمد
طلال:انتم صغار ولا طلعتوا رخصة أقول اجلسوا
فيصل:لقطووا وجيهكم خخخخخخخخخخخخخخ
محمد:بس يا عمي أنا عرف أسوق ..
طلال:بس إذا طلعت رخصة ما حد بيقولك شيء..
محمد: طيب >> زعلان
عبد الرحمن:محمد تعال خلينا نتمشى في البر الجو حلو بالليل..
محمد:يالله‍‍
فيصل:نواف يالله جب العشاء
نواف:وأنت ما همك غير بطنك يادب..
أبو ريما:ههههههه اذكر الله يا ولدي
نواف:ما شاء الله هههههههه

أم نواف كانت تهتم بريما بشكل.وكأن ما فيه غير ريما بالوجود ريما ما كانت تتوقع أن وراء المعاملة هذي فيه شيء..

يله حبيبتي كملــــــــــــــــــــــــــــــــــــــي

.......... البداية تبشر بالخير ......... واااااااااااااااااااااايد حلوة ...... يللا نبي التكملة .... حدها تشوق .......
بس بعرف اذا كانت حقيقية وإلا لأ
ويــــــــــــــــــــــــــــعــــــــطيـــــــــ ــج الــــــــــــــــــعــــافــــــيــــــــــــــــ ــــة