أحلى ماخلق ربي (قصة سعودية) تستحق القراءة ................................

..الجـــزء الرابع..

: : :

صحوا الحريم الساعة 8 مع البزارين الصغار وصلحوا قهوة مع تمر وفطور لهم وللرجال طبعاً ما كان احد صاحي من الشباب والبنات لأنهم توهم نايمين ..

أم ريما راحت بتقوم ريما بس الشغالات قالوا لهم إنهم ما ناموا إلا الساعة6 الصبح ..

جت الساعة 11 صحت ريما وراحت وكانت لابسة بنطلون جينز في ورد أسفل البنطلون لونه ابيض وبلوزة لونها أبيض هاذي اللي موديلها يجي تنربط على الرقبة ولابسة ربطة شعر ازرق و كاب بناتي لونة ابيض

العمة نورة:ريما وش مصحيك ..هماكم نايمين 6
ريما وهي تبتسم:لابس أنا شبعت نوم
أم عبد الرحمن:ارجعي نامي وش شبعتي
أم نواف: يالله يمه كذا تتعبين
أم ريما:لا بنتي واعرفها إذا قامت ما ترجع تنام
ريما وهي تبوس راس أمها:شفتوا كيف أمي فاهمتني!!
الحريم يضحكون الله لا يحرمكم من بعض!!
أفطرت ريما وبعدين جوا مها وعبدالله الصغار
مها:ليما معليث تلوحين معانا تلعبين أنا طفثت من عبودي(ريما معليش تروحين معانا تلعبين أنا طفشت من عبودي)
عبودي:إيييييه ليما نبي نلعب كولة انتووا البنات فليق وأنا فليق لحالي لاني ولد يالله قومي معانا(إيه ريما نبي نلعب كوره انتووا البنات فريق وأنا فريق لحالي لأني ولد يالله قومي معانا)
العمة نورة:اتركوها توها صاحية من النوم ..وبعدين هي كبيرة ما تلعب معاكم
مها:يالبي أنا ذعلانه منكم وأنتي يا ليما لا تكلميني ذعلانه منك(أنا زعلانه منكم وأنتي يا ريما لا تكلميني زعلانة منك)
عبودي:وأنا كمان
ريما:راحت وباستهم لا يا قلبي انتووا لا تزعلون أنا ما أحب أشوفكم زعلانين يالله قوموا نلعب كوره > تحب الأطفال لان ما عندها أخوان صغار
عبودي:يييس ثكرا(شكراً)
مها:أنا احبك يا ليما ملله(احبك يا ريما مرره)
عبودي أنا بلوح البث ملابث الكورة(أنا بروح البس ملابس الكوره)
ريما:حتى أنا بروح البس تعالي مهويه معاي

ريما كان عندها ملابس الهلال (ترينغ سبورت) وكان الرقم وراء ظهرها" 9 "سامي الجابر" وراحت لبست ريما مها شوورت وبلوزة ورفعت شعرها وربطته بشريطه زرقــــاء

وراحت تلعب معاهم كان فيه ملعب مسوينه العيال قريب من مخيهم وراحت تلعب معاهم ..العيال كانوا كلهم نايمين إلا نواف وفيصل لأنهم الكبار وعيب يتركون الرجال لحالهم..

نواف طلع بيشرب ماء وشاف ريما تلعب مع الأطفال وهو يقول بينه وبين نفسه مين ذي ياربي مو هنوف !! يمكن نوف ..لما التفت ريما وشاف الرقم 9 قال:إيــه بس هذي ريما بنت عمي ما فيه وحدة هلالية وتحب سامي غيرها وجلس يطالعها وهو مبسوط (ما شاء الله عليها شكلها تحب الأطفال ولا كان ما لعبت معاهم واللحين الظهر وحر..يا حليلها فنانة بالكوره..جسمها حلو وشعرها )

نواف كان لابس بلوزة صفراء ومكتوب عليها ماركة ديزل بالأحمر وبنطلون جينز لونه رمادي ولابس نظارات لونها فضي > خطييييييييييير

ريما سجلت هدف وراحت باست مها الصغيرة ..مسكينة ما تدري إن نواف يطالعها..وبعدين زعل عبودي الصغير وقال لازم اسجل هدف ريما رحمته وخلته يسجل هدف وجلس يسوي حركة السهم حقت ياسر القحطاني

وريما تضحك عليها لفت انتباهها نواف جلس يصفق بقوة لعبودي لاشعورياً (نواف يحب عبودي بالحيل) ريما شافته تفشلت وجلست تركض عند الحريم وجهها لونه احمر من الفشيلة ودخلت على البنات وكانوا نايمات

البنات وهم نايمات كانت أشكالهم تضحك :
نوف رجلها على خشم هنوف .. وهنوف كانت تحضن وسادتها وشعرها منكوش > أشكالهم خطيرة هههههههه

ريما جلست تفكر ياربي نواف جالس يطالعني والله ميتة من الفشيلة .. أللحين وش بيقول عني هذي ولد مو بنت!! وش أسوي يارب انه ما طول وهو جالس يطالعني..أو يارب انه ما عرفني...

ريما حاولت تنسى السالفة وراحت تصحي في البنات ولا فيه أمل....

طلعت عند الحريم وصلت الظهر وتغدت معاهن وراح تصحيهم مرة ثانية ولا فيه أمل..جلسوا يسولفون..جت الساعة 4 العصر وصحت نوف

نوف طلعت للحريم وعيونها متورمة من النوم: السلام عليكم
أم نوف:وش ذا نوف كل هذا نوم وتاركين ريما لحالها
ريما:ههههههههه نوف والله شكلك تحفة وأنتي صاحية من النوم
العمة نورة:ياربي من هنوف متى بتصحى روحي ريومة صحيها
ريما راحت تصحيها ورمت عليها مويا وصحت > ما فيه طريقة إلا كذا نومها قووي ههههههههه

هنوف وهي طفشانة عند الحريم:السلام
الحريم ميتين ضحك على هنوف اللي ما غيرت ملابسها طالعة لهم بالبجامة خخخخخخ
العمه نورة:هنوفوه وجع
هنوف:بسم الله الرحمن الرحيم..يالله صباح خير!!
ريما:قولي يالله مساء خير
العمة نورة:قومي غيري ملابسك كيف تطلعين لنا كذا
هنوف: وش فيها يعني أنا طالعه عند أمي وحريم خوالي
العمة نورة:أقووووول روحي غيري أحسن لك
هنوف:طيب طيب كل شيء ولا الغالية تزعل علينا
الحريم:ههههههههههههههههههههه

البنات جلسوا يتقهون وياكلون ويسولفون
أم نواف:ريوم حبيبتي عساكم جايبين مسجل وأشرطة
نوف:افا1111 عليك خالتي كيف تحلى الطلعة بدون مسجل
أم ريما:هههههههه كان بنتي ريما تموت بدون طقاقات
العمة نورة:هههههههههههههههههه
أم نوف:ما شاء الله بنات هاليومين ياحبهم للرقص
أم نواف:والله ننبسط لما يرقصون..الليلة لازم ترقصون وحتى أنا أبي ارقص معاكم تعرفون أنا بعدي شباب!!
ريما:صدق خالتي !!اجل والله بتحلى الرقصة
أم نواف:تسلمين لي حبيبتي

آذن المغرب صلوا البنات وبعدين قامت نوف من مكانها
نوف:بنات يالله خلينا نتمشى شوي
ريما:اصبري بعدين..
هنوف:تونا يا بنت الحلال خليها الساعة 10
نوف:مابي أبي أللحين ترى بروح لحالي
ريما:روحي
هنوف:انتبهي لا ياكلك الذيب هههههههههه
ريما:هههههههههههه
نوف:أعطيني صورتك هنوف علشان إذا شافها الذيب يهرب من الخوف ههههههه
ريما:هههههههههههههههههههههااااااااااااااااي
هنوف أخذت علبة الكلينكس ورمتها على نوف وطلعت نوف برى المخيم تمشي

كان برى محمد ينتظر ريما تطلع ..مسكين جالس ساعة ونص ينتظرها .. فجأة طلعت نوف بوجهه

يا ترى وش بيصير

محمد وش بيقول لنوف

نوف بتعترف لمحمد

نواف راح يحب ريماوهنوف يتركها

..الجـــزء الرابع..

*الفصل الثاني*

: : :

طلعت نوف ولاقت محمد نوف ..ياربي وش يبي!! .. محمد كان معاهـ كيس صغير لونه احمر واضح انه حق هدايا وهو مسوي هديه لريما..نوف شافت الكيس وفي باله ألف سؤال وسؤال!!
نوف:مساء الخير محمد!! خير وش عندك واقف عند مخيم الحريم تبي شيء
محمد بارتباك واضح:هلا فيك مساء النور..ااااا لابس كذا واقف
نوف: اها1111 بس شكلك تنظر احد!! تبي اناديلك أمك
محمد:لا لا لا..بس ريما بتطلع
نوف لاشعورياً جلست تصرخ عليه:قل من الأول انك تبي ريما..حرام عليك يا محمد تدري أن ريما ما تبيك والله العظيم ما تحبك ياخي أنت وش فيك عليها تراك طفشتنا ..وريما ما تفكر فيك تعتبرك مثل أخوها ياخي افهم أنت..حرام عليك عذبتني..وهي تتلكم كانت تصيح وصوتها واضح أنها تصيح
محمد كان مصدوم من كلام نوف يالله ريما تعتبرني مثل أخوهاوأنا أموت فيها وأتمنى ارتبط فيها!!ونوف وش فيها علي ليش تبكي وأنا وش سويت فيها

طلعوا هنوف وريما بيتمشون مع نوف وشافوا المنظر نوف تبكي وهي تكلم محمد ..ومحمد واقف ولا هو فاهم السالفة...

هنوف:ريما شوفي أكيد قالت نوف لمحمد..!!!!!!
ريما:أقول وش فيها تبكي بسرعة خلينا نروح نشوف الموضوع
هنوف:يالله بسرعة

جو ريما وهنوف عند محمد ونوف
نوف:هذي ريما يا محمد يالله كلمها وأنا بروح والله تعبت..
ريما وهي تمسك يدها:ما بتروحين لمن افهم الموضوع
هنوف:وش السالفة يا نوف تكلمي
نوف:ذبحني محمد يا ناس
محمد:أنتي وش جالسة تقولين فهميني مسك يد نوف بقوة
نوف:اتركني..ابعد يدينك عني..ريما محمد يحبك وجايب لك هدية علشان يكون عربون المحبة ..راحت نوف وتركت ريما مصدومة هي وهنوف..ومحمد اللي ما يدري وش فيها انجنت

ريما وفي صوتها الجدية:محمد..
محمد:هلا
ريما:محمد أبيك تسمعني بس لو سمحت بدون ما تقاطعني..محمد أنا آسفة على الكلام اللي بقوله..بس أنا يا محمد تربطني فيك علاقة أكثر من علاقة بنت بولد عمها..أنا تربطني فيك علاقة الأخوة وربي اعتبرك اخوي اللي ما جابته أمي..وأعزك بمعزة الأخوان..أنت ماعندك خوات أتمنى تعتبرني أختك وأنا ما عندي أخوان واعتبرك اخوي..وأنا ما أحب الهدايا ولا اقبلها من أي احد!! يا ليت تتفهم موقفي
محمد:أنا يا ريما أي احدريما صدمتيني بكلامك وشكلي تسرعت وأخذتني العاطفة بدون تفكير ..ولازم أراجع حساباتي من جديد..وبعدين سكت 5 دقايق..وقال:بس بسألكم وش قصدها نوف بكلمة ذبحتني!!
هنوف:أنا بقولك السالفة..يا محمد السالفة وما فيها نوف تحبك..بس أنت إلي ما تدري عن هوا دارها
محمد بصدمة:تحبــــــنيومن متى
هنوف:والله يا محمد من زمان وهي تحبك... كل يوم عن الثاني تجرحها وأنت ما تدري ..تحس بالغصة لما تشوفك وأنت تناظر لريما..كانت تحسد ريما...ارحمها يا محمد ارحمها...

محمد وهو ساكت مشى وترك البنات وكان مصدوم من الموقف يا ربي أنا وش سويت بالبنية تحبنيوريما تعتبرني مثل أخوها بس أنا فهمت غلط ياللله وش ذي الخربطة ياليتها ريما اللي تحبني!!
جلس بسيارة نواف ساعة..نواف اللي كان مفتقد أخوة ويدوره ما يدري وينهله ساعتين ما شافه
نواف:عبد الرحمن..شفت محمد
عبد الرحمن:لا والله مدري وينه غط له غطه واختفى!!!
نواف:أنا بروح أدوره
عبد الرحمن:وأنا معاك
نواف:لا خلك هنا أخاف أللحين الرجال يسألوننا وين رايحين
عبد الرحمن:اوكي بجلس..بس إذا لقيتة كلمني طمني!!
نواف:ابشر..

نواف جلس يدوره وفجأة لقى نور سيارته مولع..ومحمد جالس فيها وهو في حالة سرحان وتفكير بعمق..

نواف فتح الباب وجلس جنبه..محمد ما كان حاس فيه كان يفكر..
نواف:ياهوووة يابو الشباب أنا جيت
محمد من غير نفس:هلا
نواف: وش فيك محمدأنت مو طبيعي
محمد:آآهـ يا نواف أنا مصدوم!!
نواف:مصدوموش السالفةقولي يالله
محمد :طيب بقولك بس أوعدني ما تقولها لحد
نواف:افا عليك يا محمد أنت قد مرة قلتي لي كلام وطلع لبرى
محمد:لا والله بس اعذرني تراني جالس أتكلم من غير وعي!!
نواف:شكل السالفة خطيرة!يالله قولي
محمد جلس يقول السالفة لنواف عن محبته لريما وكيف ريما كانت تعتبرة مثل أخوها..ونوف اللي كانت تحبه وهو مو حاس فيها وانه صدمها اليوم..بعدين خلصت السالفة وجلس يطالع بوجه نواف..يبي يشوف تعابير وجهه.. اللي ارتسمت على وجهه ملامح الغضب!!محمد كان خايف من ردة فعل نواف!!
نواف:محمد تصرفك غبي!!كيف تحب ريماحرام عليك البنية هذي اعتبرها مثل أختك..البنية صغيرة وهي مالها أخوان وتعتبرنا مثل أخوانها..عيب عليك اللي جالس تسوية..وبعدين شف حتى هي قالت أنها تعتبرك مثل أخوها..فاهم !!الحين لما ريما تعاملك معاملة زينة هذا شي طبيعي ولا تفسره شي ثاني يعني مثل ماتعامل هنوف أخوها فيصل ونوف أخوها عبد الرحمن..حنا أنا وأنت صحيح محرومين من نعمة الأخوات وريما كذلك محرومة من الأخوان..بس عوضتنا هي الأخت وإحنا بنعوضها بالأخوان..فاهم!!البنت تعتبرنا اخونها111111....
محمد:طيب ونوف
نواف:هذي عاد مالي علاقة بالموضوع..يعني العواطف والمحبة راجعة لك أنت بس حبيت أقولك شغله..فكر زين قبل ما تسوي أي شي بخصوص نوف..يالله أنا بروح للرجال تعال معاي
محمد:لا بجلس شويه مع نفسي
نواف:براحتك يالله فمان الله
محمد:الله معاك

محمد..والله أنا تسرعت بريما..ونوف أنا ظلمتها معاي..

البنات كانوا جالسات برى المخيم ويهدون بنوف علشان تسكت
ريما:يالله فوفو..أنا خلاص فهمت محمد الموضوع واني اعتبره مثل اخوي
هنوف:وأنا بعد قلت له خبر روعة..بس أعطيني البشارة!!
نوف:وش قلتي له بسرعة
هنوف:قلت له يا طويلة العمر انك تحبينه..يالله أبي البشارة
نوف وهي معصبة:ليش تقولين لهأنا خلاص ما عاد أحبه كرهته..واللحين يحسبني ميتة علية
هنوف:ليششوش فيك قلبتي علية
ريما:اتركيها هنوف خليها براحتها..ريما كانت عارفة إن نوف تموت على محمد بس تكابر..
هنوف:يالله قوموا أنا جوعانة بسرعة أبي أروح أتعشى
ريما:وأنتي كل تفكيرك بالأكل
هنوف:اذكري الله..ياربي أنا الخبلا اللي أقولكم إني جوعانة
نوف:هههههههه يالله كلنا بنروح نتعشى...

راحوا البنات وتعشوا وجلسوا مع الحريم سوالف وضحك..
جابت ريما المسجل والأشرطة وجسلت ترقص هي والبنات
على أغنية..حمام جانا مسيار..بصوت الطقاقات وناسه والحريم يصفقون لهم..على فكرة ريما أحلى رقص فيهم..

طبعاً الرجال يسمعون المسجل لان الصوت كان عالي ويسمعون التصفيق..
أبو عبد الرحمن:والله أنهم فالينها هالحريم
أبو نواف:خلاص اجل بكرى إحنا راح نعرض نسوي..سامري..
أبو ريما:والله فكرة ممتازة خلاص اجل بكرى كلنا راح نعرض!

العيال كانت آذانهم مع الحريم ومنسجمين ودهم لو يرقصون> شباب آخر زمن

فيصل ومقصر صوته:نواف يا حظهم يرقصون..أبي ارقص
نواف:طيب بكرى أبوي يقول بنسوي سامري
فيصل:إيه بس أنا أبي ارقص ما بي سامري
نواف:ههههههه طيب وش الحل
فيصل:أنا أقولك!!بتصل على هنوف إذا ناموا الرجال وتجيب لي المسجل والأغاني
نواف:صاحي!!
فيصل:إيه وبكامل قواي العقلية..ياخي خلينا ننبسط ونكمل مراهقتنا ههههههههه
نواف:ههههههههههههههههههه

عبودي الصغير جاي طاير وجلس عند الرجال خواله وهو طفشان..

أبو ريما:وش فيك عبودي زعلانمين مزعلك وأنا بهاوشه
أبو عبد الرحمن:طيب وين مها ما تجي تلعب معاك
عبودي:يالبي منها هنوف هاوثتني تقول اطلع بلى أنت ولد عيب اللقث للحليم(ياربي منها هنوف هاوشتني وتقول اطلع برى أنت ولد وعيب الرقص للحريم)
الرجال كلهم يضحكون عليه وعلى كلامه..
أبو نواف:هههههههههههههه
أبو ريما:ههههههههههه..طيب وريما ليش ما دخلتك
عبودي:ليما تبي تدخلني بث هنوفوه ذي ما تبيني ادخل ..وبعدين مو حلو لقث هنوف وع لقث ليما أحلاهم وأنا أحبها مللللللله..بس هي تلقصث مع مها وتلكتني وأنا ذعلان منها(ريما تبي تدخلني بس هنوفوه ذي ما تبيني ادخل وبعدين مو حلو رقص هنوف وع..رقص ريما احلاهم وأنا أحبها مررره بس هي ترقص مع مها وتركتني وأنا زعلان منها)
الكل يضحك عليه هههههههههههه
ابو ريما:خلاص ولا تزعل أللحين بكلم ريما علشان تدخلك معها وترقص وياهم
عبودي:احلف..ثكراً يا خالي احبك ملة(شكراً يا خالي احبك مره)
أبو ريما:الو هلا ريما!!
عبودي:خالي حط ثبيكل أبي اثمعها لو ثمحت(خالي حط سبيكر أبي اسمعها لو سمحت)
أبو ريما:هههههههههههههه طيب من عيوني(حط سبيكر)
ريما:هلا وغلا ومرحبا بـــــالغالي
أبو ريما:هلا فيك..ريما وراك ما تدخلين عبودي زعلان منك يقول تحب مها أكثر مني
ريما:لا يا حياتي زعلان مني فديت قلبه..لا بس هنوفوه هذي فشلته وقالت له يطلع..بس ماعليك منها خلة يجي وأنا بدخلة
أبو ريما:طيب يالله ..سلام
ريما:هلا..

جاء عبودي وجلس يرقص معاهم وهو مبسوط وهنوف طفشانه منه لأنه كسر كلمتها وفشلها عند الرجال..

بعدين يوم جت الساعة 12 الكل نام الرجال والحريم(علشانهم يقومون بدري) والبنات جالسات هم والعيال الكل في قسمة.....

فيصل قرر يتصل ع هنوف علشان تجيب له المسجل والأشرطة > يحب الطقاقات هههههههههه
فيصل عند نواف ومحمد وعبد الرحمن

فيصل:الووو هلا هنوف..هلا بالغالية
هنوف:ياربي منك قلي وش تبي
فيصل:ما شاء الله عليك من وين جايبة الذكاء هذا
هنوف:منك أكيد أنت اخوي الكبير ههههههههههه
فيصل:هنوفه حبيبتي ممكن طلب
هنوف: من وين لك هالأسلوب و كل هالذوق
فيصل: منك يالغالية
هنوف:هههه وش تبي بسرعة
فيصل:أبي المسجل حقك والأشرطة
هنوف:نعم نعم وش تبي فيها
فيصل: وش فيك نبي نرقص يعني وش نبي فيها نتصور معاها
هنوف:عيب عليك الرقص للحريم اليوم جالسة أهاوش الصغير وأللحين تجيني أنت يالكبير..وا خزياه بس منك!!
فيصل:أقول شلون يعني بتطعيني إياها ولا لا
هنوف:لحظة لحظة بسم الله علي وش فيك عصبتأول شي المسجل مولي لريما والأشرطة لها بعد!!
فيصل:أللحين جالس ادلعك وحالتي حالة وبالأخير مو لك أقول اقلبي وجهك وقولي لريما تعطينا إياها
هنوف:ريما الشباب يبون المسجل والأشرطة معليش..وهي تهز براسها ريما قولي لا تكفين > مقصرة صوتها..
فيصل سمعها:أنتي وش دخلك في البنت خليها توافق..وبعدين قولي لها بكرى بتمشى فيكم إذا وافقت هاه وش قلتي
هنوف:تقولك ريما إذا الدعوى فيها تمشي أووكي دقايق والمسجل والأشرطة عندك
فيصل:بعدي والله بنت خالي
هنوف:هيه هيه حتى أنا جالسة اقنع فيها إنها توافق بس هي رافضة
ريما بأعلى صوتها:كذا111111111بة
فيصل:هههههههه عارف إنها كذابة يالله هنوف جيبي المسجل والأشرطة

جابت هنوف المسجل والأشرطة وأعطته إياها طلعوا العيال برى وجلسوا يرقصون برى المخيم علشان ما يزعجون الرجال وهم ناييمين والبنات طلعوا يشوفونهم بس العيال ما نتبهوا لهم

نواف حلو رقصة...فيصل أحلاهم رقص مغطي ع الكل..محمد فنان بالرقص وعبد الرحمن مايعرف يرقص هههههههه

البنات جلسوا تعليق عليهم وضحك بعدين ريما كانت دايخه لأنها صاحية بدري تستنى الفجر لما يأذن علشان تنام

جت الساعة 4 ووصلت الفجر هي والبنات ودخلوا ينامون ..طبعاً البنات ما ناموا على طول جلسوا سوالف الى الساعة 5 وريما كانت ميتة على نواف ورقصة وبس تمدح فيه والبنات يضحكون عليها..وكانت فرحانة أنها بتمشى بكرى ونا111111سة..

ريما:يالله بنات ناموا علشان بكرى نتمشى!!
هنوف:صدقتي فيصل أنتي..يكذب عليك
ريما:لا ما أتوقع الرجل عند كلمته
هنوف:إلا فيصل ههههههههه
ريما:أقول فكينا ما علي هو قال بنتمشى يعني بنتمشى
نوف:صح!!! والله إلا اجننه لمن نتمشى
ريما:خلاص يالله أنا دايخه أبي أنام حرام عليكم فيني النوم!!
نوف:اصبري شوية بنسولف
هنوف:ريما يالله قومي ولا ترى بكب عليك مويا مثل ما سويتي فيني أمس...
ريما: وش عليكم صاحين العصر وانا الساعة 11 يا حياتي يالله تصبحون على خير بس..
ريما نامت وهنوف ونوف ما ناموا إلا الساعة 8 جالسات يسولفن بعدين لما صحوا الحريم على طول ناموا خايفات منهم > الذلة بنت حلال




بنات وش توقعاتكم..

وش بيصير بين ريما ونواف

ومحمد ونوف

[quote][بنات وش توقعاتكم..

وش بيصير بين ريما ونواف

ومحمد ونوف
/quote]




كملي القصه يالله
بصراحه قصه روووعه

حنون في زمن قياسي يسلمووووووووو

بكرة ان شاء الله اكملكم الباقي او بالليل

مــــــــــــــــره تشبه قصه حبنا انا وعبدالعزيز وحده واثقـــــــــــــــه باقــــــــــــــــوه
كملي عشان اشوف صارت زينـــــــــــا

مشكورة ويسامووو
بلييز كملي